دیالۆگ

 (دوڕگه)

                 سینگت،

    ده‌ریای قووڵ و بێ بن

  تامه‌زرۆی هه‌ڵلوشینی خۆشی و چێژه‌كان،

  بێ بڕانه‌وه‌ی ئاسۆی بزه و

             قه‌راخی قه‌نه‌قدیلكه.....

                     تاریکی درونم
                        رنگ آسمان را از یادم برده است
            بوی دریا
            رنگ کوهستان های اینجا را
خواب هم
                   حقیقت را از یادم برده است ....

 خۆشه‌ویستیم بیر چۆته‌وه‌
 به‌بۆنه‌ی ئه‌مڕۆوه‌

له‌جاده‌ تاریکه‌کانه‌وه‌ تێپه‌ڕین
ئه‌و ئاوه‌شمان نۆشی که‌ تامی ژه‌هراوی ده‌دا
له‌لایه‌که‌وه‌ مه‌رگ،
له‌لایه‌کی تریشه‌وه‌ خۆشه‌ویسته‌که‌م،
نه‌جارێک و نه‌هه‌زار جار
به‌سه‌ر پردی سیراتدا تێپه‌ڕین!
پێیان ده‌گوت به‌رزه‌خ
بۆیه‌ هه‌تا کۆتاییمان بڕی!
به‌درێژیی رێ
زۆر که‌س هه‌بوون گه‌ڕانه‌وه‌
زۆری تریش،
وه‌کوو مۆمێ کوژانه‌وه‌ و
له‌پێناو خۆشه‌ویستیدا سه‌ریان نایه‌وه‌..
زۆر که‌س له‌م کاروانه‌ دواکه‌وتن...

شاخ

شیعریک له سیروان ناری

سێ پارچه‌ شێعر له سه‌لاح گو‌ڵ ئه‌ندامى ‌

1

 

من ره‌نجێکی ئینسانی

تۆ شێعرێکی یه‌زدانی.

من نه‌خه‌وتوی سه‌دان ساڵه

تۆ خه‌وێکی ئه‌فسوناوی ده‌م‌به‌یانی.

من تاراو و ته‌ریکه بوو له سه‌رچاوه

 له شوێنێکا عه‌قڵ نایبرێ سنوره‌کانی جودایی

 تۆ خه‌یاڵێکی رازداری.

من به تاسه‌ی هه‌ڵفرین و

تۆش دو باڵی په‌ریه‌کانی

 2

سه‌فه‌ر دور و نادیار

 ئاوڕێک به‌ر له رۆیشتنم                                            

له چاوی فرمێسکه‌وه روانیم  

بو به چۆم   

خوڕی

کوچه و کۆڵانی منداڵیم.

ماڵ ئاوا

له هه‌ر کوێ بم

هام له که‌نار

هه‌ر چاوه‌رێم و ئینتیزار

ده‌گا به گوێم

شڵپه‌ی شه‌پۆله‌کانی شار.

3

تاراوگه‌یه و

 رێژنه بارانی پاییزی

  له به‌ر چاوی حه‌به‌ساوی جه‌نگه‌ڵێکی بێ گه‌ڵادا

شین ده‌بێته‌وه ته‌نیایى. 

گومان

ئاواره‌ وڵات

سه‌رتاپا

موو به‌موو

نوقمی تاریكیه‌و

سترانی رووناكی ده‌چرێ

ــ مۆم ــ

سه‌رتاپا

موو به‌موو

چۆراوگه‌ی رۆندك و خوێنه‌و

شمشاڵی ته‌بایی ده‌ژه‌نێ

ــ خۆم ــ

سه‌رتاپا

موو به‌موو

گیرۆده‌ی سیحری قه‌وزه‌یه‌و

حه‌یرانی پاكی ده‌بێژێ

ــ گۆم ــ

مۆم ئاسا ده‌توێته‌وه‌ ــ خۆم ــ

گۆمێكه‌ له‌گومان

سه‌رتاپا

[ئاكام]

ئه‌م به‌یانیه‌ ... له‌ گوێی رووبار

هه‌ر دوا به‌ دوای

شه‌وئه‌نبازی دوو شه‌وه‌تای عه‌شقی دڵدار

كه‌ خونچه‌گوڵ

جلی شه‌وی خۆی دادڕی

خوناڤێكی عه‌شقی ئێمه‌

له‌ هه‌یوه‌تی قامچی چاوان

له‌ سه‌ر په‌ڕه‌ی گوڵ داپه‌ڕی،

دڵۆپه‌ی عاشقی پاكژ

ئه‌مجاره‌یان

ویستی له‌ ئاهه‌ڕای ره‌گ دا

به‌ به‌ژنی دڵدار هه‌ڵبزنێ

كه‌ تا نێوقه‌دی رێگه‌ چوو

له‌ شه‌فافی ناخی گوڵدا

رووباری دشت

ئه‌وی بینی و له‌ داخ هه‌ڵچوو

لێشاوێكی نارد ... خاپینۆك

لاسكی گوڵی شكانده‌وه‌ و

سووره‌ گوڵی له‌ كۆش گرت و

ئه‌و دڵۆپه‌ تینوویه‌شی

دایه‌ به‌ر پێلێكی خه‌یدۆك.

1. گه‌ڕانه‌وه

له‌ وه‌رزێکی به‌هاریدا گه‌ڕانه‌وه ‌و
دڵۆپ، دڵۆپ
بارانیان به‌دیاری هێنا
له‌ وه‌رزێکی هاوینیدا گه‌ڕانه‌وه‌ و
مشت، مشت
"با" یان
بۆ ئه‌م خه‌رمانانه‌ هێنا
گه‌ڕانه‌وه‌ له‌ وه‌رزێکی پاییزیدا و
جێژنانه‌یان برووسکه‌ بوو
بۆ ئه‌م خاکه‌ لێو قه‌ڵشیوه‌
گه‌ڕانه‌وه‌ له‌ وه‌رزێکی زستانیدا و
کڵوو، کڵوو
به‌فریان هێنا
بۆ ئه‌م وڵاته‌ قاقڕه.


2. بۆسه‌

خێوه‌ت دڕاو
ستوون شکاو
"با" فێ‌گرتوو
مانگ له‌ترسان
سه‌رهه‌ڵگرتوو
ته‌نیا خۆت و چه‌که‌که‌ت بوون
له‌م نیوه‌شه‌وه‌ تاره‌دا
پێخه‌فتان به‌ردێکی ره‌ق و
له‌بۆسه‌ی تاریکیدا بوون.